«Әскерилендірілген темір жол күзеті» ЖШС-дағы «Донорлар күні»

Донорлық - деген мейірімділіктің, жақын адамға деген махаббаттың белгісі, қан тек туыс, жақын адамдарға ғана емес, сонымен қатар қанға мұқтаж адамдар үшін тапсырылады. Көптеген ауруларды донорлық қансыз емдеу мүмкін емес. Сондықтан қанымен акция үшін емес, адам өмірін сақтау үшін бөлісетін, ақысыз донор болатын адамдардың көп болғаны абзал!

Ақысыз донор болу акциясы аясында Нұр-Сұлтан қаласының медициналық ұйымдарын қан компоненттерімен және дәрі-дәрмектермен және препараттарымен қамтамасыз ету мақсатында  «Трансфузиология ғылыми-өндірістік орталығы» РММ қызметкерлері 2020 жылдың 20 қарашасы күні «Әскерилендірілген темір жол күзеті» ЖШС орталық аппаратының әкімшілік ғимаратында Серіктестіктің қызметкерлерінен қан алды.

Серіктестіктің қызметкерлері бұл акцияны белсенді түрде қолдап, қанға мұқтаж адамдар үшін қан тапсырды.

Серіктестікте мұндай акция бұдан әрі жылына екі рет өткізілетін болады!