Транзиттік контейнерлік пойыздардың құрамдарындағы жүктерді күзету

Теміржол тасымалдауын дамытуда Елбасының Ұлт жоспары — бес институционалдық реформасын жүзеге асырудың 100 қадамын жүзеге асыру аясында 2015 жылы қойған Қазақстан Республикасының тарнзиттік әлеуетін дамыту бойынша міндеттері ерекше орын алады.

Жүрдек контейнерлік пойыздармен тасымалдауға қойылатын негізгі талаптар: сенімділік, қауіпсіздік, жеткізу мерзімдерінің орындалуы және олармен тасымалданатын жүктердің сақталуын қамтамасыз ету.

Қазіргі уақытта жүрдек контейнерлік пойыздар Қазақстан Республикасының аумағы бойынша келесі негізгі бағыттарда транзит арқылы жүреді: Қытай – Еуропа – Қытай; Ресей – Қытай – Орталық Азия және кері бағытта; болашақта Қытай – Иран, Ирак; Қытай – Қавказ/Түркия/Оңтүстік Еуропа.